Sarein. Herri Jakintzen Laborategia Emaila nabigatzailean ikusteko klikatu hemen

bor-bor(k) . Herri Jakintzen Laborategia Parte hartzeko GONBIDAPENA * Para leer en castellano haz click aquí. / Si vous voulez lire en français, cliquez ici.   Herri mugimenduok gure lan gaitasuna indartu eta biderkatzeko, gogoeta eta elkarlanaz gain, gure burua bitarteko ezberdinez hornitzeko beharra ez dugu berria. Hortxe kokatzen dugu alegia formazioaren premia zahar-berria. Formazio ideologikoa, historikoa (trasmisioa), metodologikoa, teknologikoa, emozionala... ez dira gutxi, gure ustez, formazio bidez landu beharreko eremuak. Funtsean formazio politikoa punta askotako izarra dugu. Hori dela eta, Joxemi Zumalabeko kideok, gai honen inguruko birpentsatze kolektiborako prozesua abiatu genuen pasa den udaberrian. Formazioaren alorrean ibilbide eta eskarmenturik baduten hainbat eragileekin elkarlanean eta berauetatik ikasiz egin nahi izan dugu bidea eta horrela abiatu ginen. Horrexegatik, hurrengo urratsak arlo ezberdinetan diharduzuen herri mugimenduekin ere landu nahiko genituzke. Formazioaren alorrean ere subjektu aktibo bilakatzeko ikusmiran, egitasmoaren eraikuntza eta garapenean hartzaile izateaz gain, partaide ere izatea sustatuz beti ere. Hemen klikatuz gero "bor-bor(k). Herri Jakintzen Laborategia" egitasmo berriaren inguruko zirriborroa aurkituko duzue. Hala ere, hona hemen egitasmoari egozten dizkiogun helburu orokorrak: Borroka, mugimendu eta esperientzien arteko berdintasun eta ezberdintasunak ezagutu eta aitortuz, elkarren arteko ikaskuntza zein artikulazio eta aliantza berriak bultzatzeko sare gisako espazioa sortzea Formazio eredu bertikal eta dogmatikoetatik urrunduz, herri mugimendu eta eragile sozialetan sortzen diren jakintzak ere ezagutza iturri izango dituen formazio eredu askatzaileagoen bidean urratsak ematea Nola trebatzen garen horri (prozesuei eta metodologiei) garrantzia emanez jardungo duen formazio egitasmoa eraikitzea Egitasmo honen eraikuntza, esan bezala, modu kolektiboan herri eragileokin batera egin nahi dugu. Hortaz, hauexek dira datozen hilabetean egitasmoari buruz eztabaidatzeko herrialdeka proposatzen ditugun lehen hitzorduak:                          BILBON: Urriaren 18an  11etan Zirika Gunean                        DONOSTIAN: Urriaren 18an  11etan Kortxoenean                        BAIONAN: Urriaren 25ean  11etan (zehaztu gabe)                        IRUÑEAN: Urriaren 25ean  11etan Kalekalden                        GASTEIZEN: Urriaren 25ean  11etan (zehztu gabe)   *Egun erdiko saioak izango dira. Bazkal ordurako amaituta beraz.   Animatu eta parte hartu! Formazioaren zein egitasmo honen inguruan zuen kolektiboaren iritzi, ikuspegi eta eskarmentuak ongi etorriak izango dira!   Oharrak 1. Hitzorduren batera bertaratzeko asmorik izanez gero, zein hitzordutara eta zenbat pertsona bertaratuko zareten KONFIRMATZEA eskertuko genizueke. 2. Egitasmoa interesgarria izan dakiokeen beste eragileren bat ezagutuz gero edo zure eragilearen barneko bestelako gune batzuetan zabaldu nahi izanez gero, askatasun osoz GONBIDAPENA BIDALI. 3. HIZKUNTZA gaiak direla eta gaztelera edo frantseserako itzulpenik behar izatekotan ALDEZ AURRETIK ABIXATU ETA BITARTEKOAK JARRIKO DITUGU. 4. Bilkuretan parte hartuko duzuen pertsonon DESPLAZAMENDU GASTUAK KUBRITUKO DITUGU.